بعد النظره والإبتسامه
أتواعدنا ع اللقاء
وأنا ف قمة السعاده
قلبى طاير ف الهواء
الكلمات فى قلبى سيل
وأتقابلنا ف المساء
صم قلبى عن الكلام
وتاهت منى الحروف
كانت لحظة الإنتظار
قلبى للقياها شغوف
كل لحظه ف النهار
صورتها بقلبى تطوف
خلصت كل كلامى
سمعتنى صورتها بشكل عطوف
وقت لقانا بدأت سلامى
ف إيدى رعشه وكلى خوف
لحظة وجودها توهت ف أحلامى
مش مصدق الظروف
قالت عيونى كل اللى بيا
بدون كلام أو حروف
هوا دا طبع الأحبه
وقت اللقا يتوه الكلام
والقلب ف لحظة سعاده
ردت عيونى السلام
( أسامه جديانه)
ليست هناك تعليقات:
إرسال تعليق