بقلمى يوسف ونيس مجلع --- ايطاليا بريشيا
اصدقائى الاحباء من الشعر الغنائى كلمه بالعاميه بعنوان يعنى كده يرضيك
يعنى كده يرضيك ------- ياساكن روحى وحسى
حبك كان مليك ----------- و كان يحلاله همسى
دلوقتى انادى عليك -------- ما تسمع علو حسى
ايه اللى اتغير فيك ---------- سؤال محير نفسى
----------------------------------------------------
زحمة قلوب حواليك -------- خلونى اكلم نفسى
نسوك احب ما ليك ------- حتى هناك فى انسى
اه ياخوفى عليك -------- و يا خوفى من يائسى
كل اللى شافته عنيك ------ معايا خلاص منسى
----------------------------------------------------
معقول نسيت اوقاتى -------- وهيام روحك فيها
وحلفانك بحياتى ----------- وان بروحك تفديها
واحساسك باهاتى ------------ قبل ما اتنهد بيها
انغام غزل نظراتى ---------- و نظراتك بتغنيها
----------------------------------------------------
نسيت حبك لهمساتى ---- وسراحانك فى معانيها
ونسمة طيرت خصلاتى --- وانت بحنية تساويها
وسمر مهجتنا يوماتى ------ وامانى بكره ماليها
وعهود قلوبنا ليلاتى ------- برضه كمان ناسيها
----------------------------------------------------
ياما احترت اشكيلك -------- وعاتبتك فى خيالى
وياما قولت احكيلك ---------- وابوح باسا حالى
و ضنايا من رحيلك ------- ومن استبداد الليالى
ولما تصادف واجيلك ------- كله يروح من بالى
----------------------------------------------------
ياما فكرت ابيعك ------------ وارجع تانى خالى
الاقى قلبى شفيعك ------------ زنوبك بيحللهالى
ازاى تهون ابيعك ------- وانت على الغالى غالى
هافضل اغنى لربيعك -------- يمكن تحن لموالى
---------------------------------------------------
بقلمى يوسف ونيس مجلع --- مصر
ليست هناك تعليقات:
إرسال تعليق