(يا اللي بعت)
يااللي بعت كتير شاروك
واللي باعك ليه شاريه
واللي ياما كتير خانوك
والامين ليه هان عليك
واللي حبك دون مصالح
كل يوم يسأل عليك
واللي بعته وكان مسامح
كان بيقرا ساعات عنيك
واللي كان نفسك تنوله
جه في لحظه و قل بيك
واللي لحمك فضل خيره
ليه رميته وشوفت غيره
واللي كان بيخاف عليك
تستغيثه كان يجيك
لما تحزن بيواسيك
ليه تبيع الغالي وبابخث تمن
كنت فاكر انه هيدوم الزمن
انه دايم عمره ليك
انه عمره ماهايعديد
كل حسبانك فاشوش
كنت عايش بالوشوش
واللي عامله ماتنساهوش
عشت عمرك
بس كان ناقصك علام
ورغم عنك
جاي زمن يسقيك آلام
مش لانك
كنت ناصح او همام
بس إنك كنت معدوم الضمير
والبصر جواك ضرير
كنت عايش بالغلط من غير حساب
خنت عشره وبعت صحبه مع الصحاب
ولسه ياما تعيش زمان وسنين صعاب
يا اللي فاكر الحياه هتدوم معاك
يا اللي بعت إللي اشتراك
يا اللي شاري اللي باعوك وسقوك هلاك
لاانت داري العمر ايه وبكره تبلغ منتهاك
فجأه هتنول المنيه بدون ميعاد
ويبعوك كل الحبايب والصحاب
يا اللي نايم في العسل وبدون حساب
(عبده النجار)
ليست هناك تعليقات:
إرسال تعليق