الأوله ف الغرام
لما شفتك مره صدفه
كنت خالى وقلبى خالى
إحساس بشوق ولهفه
صمت قلبى عن الكلام
وأنت لابسه توب العفه
الحياء فى الخطوه ظاهره
وأنت ماشيه بكل خفه
توبك فضاض غير لامع
مافى شئ للجسد كاشفه
والرموش سادله الستاير
والعيون ف الأرض بصه
فضلت أراقبك من بعيد
وراعيت كل أحساسك
رفضت أبوح باللى ف قلبى
نبض قلبى سبق خطواتك
ريشه طايره فى الطريق
كيف أوصف كل صفاتك
حسيت بمداعبه بسيطه
وأنتى بتبادلى نظراتك
قلبى سرد كام قصيده
لما الهمس سبق سكاتك
من وقتها سكنت القلب
وسهم الغرام صابك
يالابسه توب العفه
وتاج الطهاره شالك
( أسامه جديانه)
ليست هناك تعليقات:
إرسال تعليق