ليه ياشمسى
بتغربى عن سمايا
وترسلى جبال الظلام
تيجى وتسكن جوايا
وتهدمى جسر الحنين
وتبنى قصر الهموم حدايا
كنت بمشى ف ضى نورك
وف قلبى مليون حكايا
كنت عايش بالأمل
عليل وأنتى دوايا
بنتظرك وقت الشروق
طعم الخير مالو نهايا
والشعاع عالأرض يبدر
بذور العشق ف بستانى
حواليها زهور الربيع
فيها بشاير الأمانى
وتحقق حلم السنين
ويضحك ليا زمانى
عاشق للطله البهيه
والطيور تنشد أغانى
عودى ياشمسى ف ميعادك
أنا من غيرك بعانى
الظلام يقسى القلوب
والمشيب سبق أوانى
دفى قلبى بضى نورك
مشتاق لنبضى وحنانى
( أسامه جديانه)
ليست هناك تعليقات:
إرسال تعليق