كتبت هذه القصيدة بعنوان رسم الخرز
رسم الخرز
لا أم التجيلي ولا أخت تسأل
عشر سنين مرن ضيمهن يكتل
عشر سنين مرن بالحزن والاه
ومروزالكدر فلاحهن يشتل
تيهت المضارب والأهل واللال
ورسيم الخرز بالروح متغلغل
من جب الحزن ناشدنا كل عنوان
ورموش الجفن ناكوطهن يهمل
ماعاد الفرح بضلوعي يلبس ثوب
ولابسمة شفايف ترضي وتزعل
جم دمعة حزن تحت القفل هليت
وموال الحزن هو دوم مستعجل
حاربني الوكت وجفوف ادية أكصار
وسيوف الدهر بضلوعي سلهن سل
طول الليل اسهر والجفن مفضوح
وياحيف الصكر ينصاد بالمنجل
ناعور الدفع يغرف غرف من بير
ورموش الجفن ناكوطهن يهمل
ياوسفه وحسافه ويا الف ياحيف
صرنا أكصار كلنا والشكر تصهل
يارسم الخرز لاتنسى مشتاكين
نشم طيب الاهل بترابك ونسأل
يارسم الخرز صار القدر موال
بس يعزف حزن واشجان ويولول
يارسم الخرز تعذرني ما مريت
جنت جروح كلي ورنه بالمفصل
احسك مو رسم تاج وقدر مكتوب
لا تنسى العلاقه بيوم من تزعل
اشكيلك عذابي وجسمي كله جروح
ياجرح الاجيسه ايصيح ويولول
ماضكت الشراب ايام فوك ايام
واحس طعم الشهد بالريج لي حنظل
قضبان السجن تاذيني من اشتاك
واحسها سيوف تطعن بالكلب ياخل
مريت بليالي صعاب جالقطران
واعوام السجن ملعونه من تجبل
يارسم الخرز عكبك شفت ويلات
بس طيفك معايه ايهون المقتل
عثرات الليالي اتجود بالاهات
يا وجه الارومه عبس وخنطل
بس وجه الرسم يضحك صدك وياي
ولا مره اعتدر لليوم مني ومل
يارسم الخرز وياي صرنا اثنين
سفر المجدلية وقصة الهيكل
الاف السنين المجدليه تنوح
وغريل المقدس لغزه ماينحل
يارسم الخرز لا تنهضم علراح
لابد انتلاكه واحنا روح وظل
ليست هناك تعليقات:
إرسال تعليق