سمعوا للشاعر: فارس غنام

سمعوا لبنان شو عم يقلكن يا سياسيي

أنا لبنا ن مش دمعــة مناحـــة
أنا الضحكة على شفاف الصراحة
أنا خبــز الحــروف الأبجديــة
لسـان الأرض علمتّـو الفصاحــة
سألوا عني الشواطي السرمدية
منيــن انشقّت عبــاب الملاحـة
ما بدي إنصــح من الطائفيـة
ولا بدي شوف حالي بهالنصاحـة...
ولا بدي تزرعــوا الألغـــام فيـي
وبتاني ميـل تحكـــوا بالسياحـة
إذا العالـــم وزارة داخليـــة
شو نفعـو انماعطاني سنيـن راحـة
أنـا مش ساحتيــن بهالقضيــة
لا أربعتـــش عنــوان الجراحــة
ولا تمانــي آذار المعنويـــه
ببحر الحـل زورق للسباحــة
وإذا الدنيي استراحــة عالمية
أنا فنجـان قهــوة الإستراحـة
الوطن تا يعــود للوحــدة النقيـة
ما بدو ساحتيـــــن بلا نتيجــة
بـدو الساحتيـــن بفــــرد ساحـة.

الشاعر فارس غنام