.بَفَتِش عَنْ عيونِك يا صَبية...للشاعر ياسين مصطفى بكري

...بَفَتِش عَنْ عيونِك يا صَبية.....

مشيت كثير بسهول وبوادي
بفتش عن عُيونك يا صبية
بحطك جوى بداخل فُؤادي
تصيري الروح وتكوني الهوية
حبيت العُمُر وعشقت حالي
مَعك بعيش العيشة الهنية
الاكل زعتر وأوراق الدوالي
وخُبز طابون ومناكُل سوية
وشجر زيتون وصار الزيت غالي
لانه دهون لخدود البنية
ونعصر زيت ونعبي الخوابي
وفول وقمح بعبي الخلية
وجرن النحل نعصر عسل صافي
حلو كثير والطعمة زكية
نسرح سوى مع عنزات خالي
وهموم الناس عا رب البرية
وشعراتك يطيروا على كتافي
ونحنا فوق عالتلة العلية
وقبل لغياب نمشي لبلدنا
ونصل بالعتمة والدنيا عشية
...............
تحياتي....ياسين مصطفى بكري.....