الشاعر رضا علي احمد ابو شنب
المنصوره/ميت غمر
قصيدتي الجديده
(ابن الدايره)
بعد تسجيلها فيديو وتوثيقها
في مؤسسه اسرار الاسبوع
المنصوره/ميت غمر
قصيدتي الجديده
(ابن الدايره)
بعد تسجيلها فيديو وتوثيقها
في مؤسسه اسرار الاسبوع
17/10/2018
شوفت جماعه عاملين ثوره
انتخابات في نهايه الدوره
واحد شوفته ماسك سبحه
واحد عامل فيها مناوره
دايما يكسب فيها الوطني
اصلها عزبه في قلب الدوله
بيعيش فيها الباشا امير
والغلبان بيموت في مؤامره
خلي تمللي السر في بير
احسن تيجي عليك الدوره
*********************
ابن الدايره وابن الحاره
كان بيترب تحت حماره
ابن ستيته الهبله العمشه
كان بيولع ليا سيجاره
جوا القهوه كان بیحشش
گان ببرص لغيره حجاره
وسط الارض ينقي الدوده
او بيطلع طوب في عماره
كان بيلف القطر بشنطه
او بيبيع مناديل في اشاره
يفطر مش تمللي بدوده
و بيتغدا بصحن بصاره
لما نشوفه كنا نقوله
خليك عايش بينا عواله
دانت وجودك يشبه عدمه
انت وجودك بينا خساره
ابن الدايره وابن الحاره
كان بيترب تحت حماره
******************
انتم يا اهل الدايره و اهلي
انا علشانكم مرشح نفسي
كل حقوقكم لازم اجيبها
من الكهربا للصرف الصحي
حتي الرصف يتم بسرعه
ونبدل قطرنا بالمجري
نبني مساكن ونعمرها
ونصحي الديك يدن بدري
لازم ارضنا تصبح خضرا
والخير يبقي لكل حبايبي **************
انتخبوني يا اهلي وناسي
طول العمر معاكو بقاسي
وشايلكم دايما في عنيا
قلبكم ابيض زي ايديا
دايما باكل من ايد فاسي
********************
لو تدوني يا ناس اصواتكم
هبني مصانع لاجل ولادكم
والخير يكتر جوا بيوتكم
وجميلكم دايما علي راسي
******************
كل الناس راحو ينتخبوه
علشان عمه وخاطر ابوه
قالو غلبان وهينفع بلده
زي ما كل الناس نفعوه
لكن الواطي لما بيعلا
ينسي حبايبه وينسي اخوه
******************
بعد نجاحه محدش عاجبه
ناسي وعوده وخاين عهده
شايف نفسه وسايب بلده
لقي طبال بيطبل جنبه
والزمار بيبوسه في خده
اصبح يحلف بحياه مجده
بقي فرعون ومحدش قده
الله يرحم اللي جابوه
*******************
ليه بنعلي في قيمه الجله
ونطلع للقفه ودان
بعد ما كان مش لاقي اللقمه
اصبح يملك كام فدان
كان بيلف الدايره بعجله
اصبح واحد من الاعيان
كنت تشوفه لابسلي البلغه
لما تشوفه تقول جربان
بعد ماكان بيخاف من ضله
بقي يستقوي علي الغلبان
حاولو تنقو اللي يمثلكم
ولا تعملو خاطر لفلان
خلو حكمكم هو ضميركم
اصل العجله من الشيطان
لاجل بلدنا تعلي وتكبر
خلو الكلمه تكون بميزان
خلو عملكم لاجل ولادكم
خلو بلدنا تعيش في امان
شوفت جماعه عاملين ثوره
انتخابات في نهايه الدوره
واحد شوفته ماسك سبحه
واحد عامل فيها مناوره
دايما يكسب فيها الوطني
اصلها عزبه في قلب الدوله
بيعيش فيها الباشا امير
والغلبان بيموت في مؤامره
خلي تمللي السر في بير
احسن تيجي عليك الدوره
*********************
ابن الدايره وابن الحاره
كان بيترب تحت حماره
ابن ستيته الهبله العمشه
كان بيولع ليا سيجاره
جوا القهوه كان بیحشش
گان ببرص لغيره حجاره
وسط الارض ينقي الدوده
او بيطلع طوب في عماره
كان بيلف القطر بشنطه
او بيبيع مناديل في اشاره
يفطر مش تمللي بدوده
و بيتغدا بصحن بصاره
لما نشوفه كنا نقوله
خليك عايش بينا عواله
دانت وجودك يشبه عدمه
انت وجودك بينا خساره
ابن الدايره وابن الحاره
كان بيترب تحت حماره
******************
انتم يا اهل الدايره و اهلي
انا علشانكم مرشح نفسي
كل حقوقكم لازم اجيبها
من الكهربا للصرف الصحي
حتي الرصف يتم بسرعه
ونبدل قطرنا بالمجري
نبني مساكن ونعمرها
ونصحي الديك يدن بدري
لازم ارضنا تصبح خضرا
والخير يبقي لكل حبايبي **************
انتخبوني يا اهلي وناسي
طول العمر معاكو بقاسي
وشايلكم دايما في عنيا
قلبكم ابيض زي ايديا
دايما باكل من ايد فاسي
********************
لو تدوني يا ناس اصواتكم
هبني مصانع لاجل ولادكم
والخير يكتر جوا بيوتكم
وجميلكم دايما علي راسي
******************
كل الناس راحو ينتخبوه
علشان عمه وخاطر ابوه
قالو غلبان وهينفع بلده
زي ما كل الناس نفعوه
لكن الواطي لما بيعلا
ينسي حبايبه وينسي اخوه
******************
بعد نجاحه محدش عاجبه
ناسي وعوده وخاين عهده
شايف نفسه وسايب بلده
لقي طبال بيطبل جنبه
والزمار بيبوسه في خده
اصبح يحلف بحياه مجده
بقي فرعون ومحدش قده
الله يرحم اللي جابوه
*******************
ليه بنعلي في قيمه الجله
ونطلع للقفه ودان
بعد ما كان مش لاقي اللقمه
اصبح يملك كام فدان
كان بيلف الدايره بعجله
اصبح واحد من الاعيان
كنت تشوفه لابسلي البلغه
لما تشوفه تقول جربان
بعد ماكان بيخاف من ضله
بقي يستقوي علي الغلبان
حاولو تنقو اللي يمثلكم
ولا تعملو خاطر لفلان
خلو حكمكم هو ضميركم
اصل العجله من الشيطان
لاجل بلدنا تعلي وتكبر
خلو الكلمه تكون بميزان
خلو عملكم لاجل ولادكم
خلو بلدنا تعيش في امان
ليست هناك تعليقات:
إرسال تعليق