بقلم الشاعر" شكيب حاطوم"

ااوووف اووووف
جيت اليوم عرف اصحابي عني
بعرفن وما حدا منن بيعرفني
انا معلم وما بحب كون مغلوب
وكار الحدادي شغلتي وفني
بطرق ع سندان للسعادة حبوب
وبعجن الحديد تيصير يعجبني
وبضل ساعتين مع مبردي المحبوب
برجع ع البيت كتفي واجعني
وع صوت مخرطة الحنين مطروب
بخرط عليها وهي بتخرتني
تالله هداني ع معصرة القلوب
وحبيت هالصبية وهي حبتني
صرت لين متل قرن الخروب
وع أيدها صارت ترقرقني
كنت غنيلها واقرى المكتوب
بعينيها وبقلبا كانت تسمعني

بتعرفني ما بغني تحتى تذوب
وبهجة عقلا كانت تذوبني
وينك يا نسر الشعر شوف هالذنوب
تعا اسماع اعترافاتي وحاكمني
صاير انا متل الشمع مسكوب
وهذا الشعر ببحورو غرقني
تركني على خشبتو مصلوب
وع ريحة عطر بخورو حرقني
انا عليكن صرت محسوب
عملني سطر وع هالصفحة كتبني
بتعرف بالواجب وبتعلمول المطلوب
كفني بقصيدة شعر وعلى شط بحر الهوى دفنني

شكيب حاطوم