بقلم الشاعر" ناصر السيد أحمد"

بحبك بس مستنى ....
تجينى الفرصة وتحنى
بحب رموشك السمرا....
وجوانا قلوب طاهرة
بحبك لما تتمايلى ....
كما المهرة وتتعايئى
بحب الخطوة مرسومة ...
وأغنية مع سومة
عيونك كلها أسرار ....
شفايفك جنة ولا نار
وشعرك ليل ملوش أخر....
وييجى الصبح يتاخر
ونغزتين وسط خدودك....
بيرسموا كل حدودك
ونظرة عينك بتتكلم.....
وأنا صابر وبتآلم
لإمتى ح نفضل كده ساكتين ....
هو الحب ده نظرة عين؟
بحبك بس مستنى.....
تيجينى الفرصة وتحنى
ياوردة منورة البساتين...
ولما باشوفها تسر العين
لإمتى ح تتآلى عليا....
وطيفك جوه فى عنيا
سكوتك مش دليل بعدك....
ومش ممكن ح أعيش بعدك
بحبك بس مستنى ......
تيجينى الفرصة وتحنى
Nasser Elsayed Ahmed