..........
اوعديني ..
اوعديني العمر كله
تكوني جنبي
اوعديني نبقی أقوی
م الخصام .
اوعديني قلبك يسكن
جوا قلبي
عمري كله وهبته ليكي
مش كلام .
راح أصونك .. مش هاخونك ..
حتی لو نامت جفوني
راح أحبك
في المنام .
إنتي فرحي وسر سعدي .
وانتي كل الدنيا عندي .
يوم ما عيني جت ف عينك
حلمي اصبح لونه وردي .
اوعي يجيي يوم علينا
وتهجريني
لو زعلتي مني بس
كلميني
راح اصالحك .. مش هاعاندك
كل همي هو فرحك
حتی لو هأديكي
عيني ..
إوعديني ..
إن يوم تعبت أو يأست
بالأمل تبقي .. تدوايني
ولا لو جارت
عليا الدنيا يوم
آجي عندك .. تنصفيني
ولا لو زادت همومي
في حضن قلبك ..تحتويني
لو باعوني الناس رخيص
بالغلا ابقي .. اشتريني
اوعديني ..
تكوني نسمه ف صيف حنيني
اوعديني ..
تكوني بسمه وإسعديني
اوعدبني ..
تكوني لمسه تمشي بيها
فوق جبيني .. تريحيني
اوعديني ..
تكوني همسه
وبحنانك .. تغمريني
إوعديني ..
ما انتي كل الدنيا ليا
ربنا بعتك هديه
مش هاشيلك
غير في عيني
وربنا يشهد عليا
عصام إمام
2/11
2017
ليست هناك تعليقات:
إرسال تعليق