بقلم الشاعر" حسن علي أحمد"

أنا مش بحبك
أنا بعشق عشق الجنون
والحب جوا ف قلبي شايله
وف القصايد ليكي قايله
بس انتي حساني
ولا أنتي نسياني
أنا بعشقك
بتنفسك
وأتمنى عيني تشوف عنيكي
انا عمري ماحسيت بفرحه
إلا وانتي كنتي فيها
إنتي عمري اللي باقي
واللي عدا قبل منك
ضاع هدر ندمان عليه
أنا مش بحبك
أنا بعشقك بتنفسك
أنا نفسي أخدك للسحاب
يشوف جمالك
أنا نفسي أدخل جوا منك
وأكون خيالي
أنا عمري ما حلمت ف حياتي
إلا بيكي
أنتي بعيده وبحلم إني ألتقيكي
أنا مش بحبك
أنا بعشقك
بتنفسك
فيكي بدوب
فيكي بدوب

حسن علي أحمد