سجال بين الشاعر ة :""نور الشهباء"" والشاعر"" ياسين مصطفى بكري""

.سجال بين الشاعر الزجال
.....ياسين مصطفى بكري
......................
والشاعرة الزجالة نور الشهباء
.......... 
ياسين
.........
قلبي بعث مرسال لقلبك
قله بأمرك يا بعد عمري
تخايلت حالي قاعد بجنبك
وعيونك النجمات عم تضوي
خليت حبي يعانق بحبك
وانت تقليلي يا نئى عيني
............
نور
...........
مرسال حب للقلب وصل
مثل النسيم للروح بغري
تقول الزجل والشوق يشعل
ونجمات بالليل لها سهري
اكتبلك غرام والهوى يهطل
يداعب بروحي ويسبح بنهري
..........
ياسين.
.........
ياما ستنيتك قبل لغروب
حتى نسيم الهوى يوصلي
أحكي زجل والغزل مطلوب
وانتي بغنى الحسون تتهني
وبسهر مع نجوم السما الطيوب
وانت معه الجنات تتمني
..........
نور
..........
ياما بالكرم انده يا محبوب
تقول بستناكي تطلي
ونشرب سوى من الهوى مشروب
كلماتك مثل العسل بتحلي
تمسك بإدي تشد يا مهيوب
من هالكَرِم اليوم ما تفلي
...........
ياسين
..........
بالكرم استنيت عا بكير
يمكن مع النحلات بتطلي
تهدي على الزهرات قبل الطير
تجني عسل وشفافك تحلي
وتكوني اميرة قاعدة بجنب الامير
وتصيري عروسة وبالشمع تتجلي
..........
نور
.........
إجيتك انا وبإيدي زوادة
شوية حلو والقهوة عم تغلي
بقلك وحق ال تعبدو عبادة
انت حبيبي وروحك بقلبي
اعطيتك فؤادي والك لسيادة
صلي وخزاين حب منملي
..........
ياسين
.........
زوادتك فيها زهر ياسمين
معطره وفيها من العِفة
وناطرك من يوم او يومين
تآخذ البوسة من الشفة
والعرس بدنا نعمله بتشرين
ونسهر لضوء الشمس بالزفة
...........
نور
..........
زوادتي مليانة اشواق وحنين
وفيها زهور كثير مختلفة
وفيها البنفسج مبهج الحلوين
ولون جوري يسبب اللهفة
وبالعرس بدي الكل فرحانين
وتسرق بوسات كثير بالصدفة
..............
تحياتنا...ياسين مصطفى بكري
و....نور الشهباء....
........
ياما ستنيتك قبل لغروب