بقلم الشاعر"فتحي حسن"

بقيت محترف(فتحي حسن)
-------------------

بحفر بايدي الجرح
وادور ازاي ادويه
بعلق ف قلبي الهم
واسيبهيه يدبح فيه
علي ايدي كل شئ فالنهايه ظلم
ماشي وسط الشوك
بتفرج علي جروحي
..بلعب بالمشاعر
وبقيت ناحح وبارع
ف الكدب والخيانه
صابح بصابح
وجديد ف جديد
اعلق قلبي واوهمه
واجرح وانجرح
وبقيت محترف
ف كل دور بليق
وتنتهي الحكايه
وابكي زي البرئ
بقيت اصدق خيانتي
ومليون مبرر لنفسي
ولو الف دمعه عين
ما تساوي رجفه روح
مدبوح دبح مدبوح
وتتوزع ال الجرروح
لازم نعيش بالعدل
حتي لو عشت ندل
وضيع كل القلوب
زي مضعت انا
تعبان بيبخ سمومه
كله ف نفس المصير
معدتش وحدك ياقلبي
ال هتعيش حزين
الماضي حضر شيطانه
ومقدرش ينصرف
المظلوم يبقي ظالم
والبرئ ينحرف
واجرح وانجرح
وبقيت محترف