بقلم الشاعرة" نيفين ناجي"

#الدنيا-بلياتشو

عارفين إيه مشكلتنا بجد ؟
إن مبقاش
فينا حد باقي علي حد
والخواطر اتباعت وهان الود
وكل واحد حط بينه وبين التاني سد
وياللاه نفسي ومصلحتي دهو الجد
حتي ولو الدنيا علي دماغ غيره هتتهد
مهو كل واحد وشطارته
والفهلوي هو القوي 
ولو صاحبك في ضيق وعنده هم
نفض يا عم مش ناقصة غم
واديله سكة 
مهي مع الخفيف والحدق ماشيه وسالكة
وأنت يالي عقدتها 
بكرة الكريم عليك وعليا هيفكها
كل حاجة ولها وقتها
أصبر عليها وحبها 
بكرة الي ماسك فيها وبيلمها هيملها
وأنت أكيد هتاخد حظك منها
مهي دنيا ومش دايمة
وقيامة بكرة علي العالم قايمة
بقلمي
#نيفين-ناجي