بقلم الشاعر" اسامة الأبشيهي"

بقيتني باتوه
*******
بقيتني باتوه
سحر النظرة ف
عنيكي
تاخد عقلي افوق
مرة
ومرة اتوه
تاخدني هناك
لدنيا بعيد
الاقي الفرح مستني
مالوش مواعيد
الف وادور .. اشوف
الدنيا ف عنيا
ورود وزهور
تنادي عليا وتنادي
تعال انت ...
عليك الدور
اشوف الفرح مستني
والاقي الدنيا مليانة
فرح وسرور
طيور حواليا بتغني
وناس عمالة بتهني
ما انا اصلي بقيت
ليكي
بقيت اسمع صدي
صوتك
بينادي علي ويقولي
خلاص اني
حافوز بيكي
وتبقي النظرة ف
عنيكي
دوا لقلبي ويفوق
عقلي
يفوق مرة ما عدش
يتوه
اسامة الابشيهي
5/9/2018
التاسعة ونصف صباحا