بقلم الشاعر" ياسر عبد الحميد"

( وصاني ,,, أبويا ))
✍🏻,,,,,,,,,,,,,,,,,,,,,,,,✍🏻

وصانى أبويا .. و قاللى يا أبنى ,,!!

تعالى أسمع لما أقوللك !!!

مهما عشت .. سنين كتير ...!!

مش هيفضل الا ... سيرتك !!!

حتى ابنك ..!!

اللى بيحبى مسيره يكبر ..!!

و هتلاقيه محتاج لضلك !!!

اسمعها منى .. و عدها ..!!

و أوعى تقاطعنى ... فى الكلام ...!!!

فى الدنيا دى ..!!

كل حاجة لازم ح تيجى ف وقتها ..!!

و النصيب مكتوب تمام !!!

ممكن تغير سكتك ..!!

ممكن تبدل خطوتك !!!

ممكن تعيش على ذكريات ..!!

مقفول عليها فى وحدتك !!!

مش بالندم .. و لا الدموع ..!!

تقدر تغير فى اللى كان !!!

ولا بحنينك للرجوع ..!!

ينفع تعيد .. أيام زمان !!!!

أيامنا مرت .. و أنتهت ..!!

و عليها ياما .. كتير حكيت !!!

فيها ناس دموعها اشتكت ..!!

من كتر ما قالت .. يا ريت !!!

بقلم الشاعر ✍🏻 ياسر عبد الحميد ,,,!!!