بقلم الشاعر"منصور ابو قورة"

قولوا له ..

قولوا له ..
بعت حبى ليه؟!
كان أجمل من حقيقة 
وأحلى من خيال !!
قولوا له ..
عمل لك قلبى إيه ؟!
وعيونك الجريئة ..
توهتنى ..
خدعتنى
بكام سؤال !!
قولوا له ..
أروح من حبه فين ؟!
أتوه ف السهول ..
ولا .. أهج ف الجبال ؟!
قولوا له ..
راح فين نهر الحنان ؟!
شط المحبة ..
وبر الأمان ..
فكروه ...
باللى كان
قبل ما يفوت الأوان
فكروه ان قلبى ...
لسه قلبى .. بتاع زمان !!
قولوا له ..
أظهر .. وبان
عليك ... الأمان
طمنوه ...
لسه قلبى شارى
رغم حيرة قلبى ..
ونارى
ولهيب الوجد ..
اللى سارى
ونبع الحب ..
اللى جارى ..
فرحوه ..
انى لسه ..
على حبه ..
باقى
ولسه ..
دايرة السواقى
بتروى ...
بستان حبنا
رغم قسوة ..
جرحنا
ولهفة قلبى ....
ليوم التلاقى