خالد المنصوري يكتب.. سلمتي بسهولة

سلمتي بسهولۃ

كده سلمتي بكل سهولة 
ورجعتي مع الأزمة الأولى 
طب فين حبك قايد نار 
وهمشي معاك أخر المشوار

ولا حكاية مش مسموح 
لحظة في عمري لغيرك اروح 
والموضوع بينا ده حدوتة 
وطول ما انا جنبك اكون مبسوطة

اوعي تغيب عني بتوحشني 
وأنا راح اكون لك مين هيوحشني 
ولما تسيبني بموت من غيرك 
ومصيري مربوط بمصيرك

ولا صحابي بيحسدوا فيا 
من كتر ما كنت بتكتب ليا 
والناس مش سايباني في حالي 
علشان عشق ما بينا خيالي

وليه في عيونك بلقا أنا روحي 
وأنسي معاك احزان وجروحي 
وأنت محدش زيك عندي 
أغلى الناس وانا بيك مين قدي

كده سلمتي وباستهتار 
سيبتي خلاص حبنا ينهار 
مش لاقي لتعبيري كلام 
ولا عاد ينفع حتى ملام

أنتي اخترتي بدون تبرير 
وانا كان عشقي كبير وضرير 
مش شايف غيرك هنا جنبي 
بس خلاص فعلا ماهو ذنبي

أمشي أوام كملي مشوارك 
وأقتلي طيفي لو يوم زارك 
وأنا عن نفسي لازم هنساكي 
حتي ان قالوا حياتي هواكي 
وأشطبي أسمي من الصفحات 
وإن سألوكي قوليلهم .. مــات
خالد المنصوري