بسيوني صديق يكتب... التعبان

التعبان 
*****
تعبان كان مستخبي
خرج من جحره
طايح يمين وشمال 
ماحدش عارف يلمه
لو قرصك 
قرصته غبيه 
تقتلك بسمه
تعبان مالوش مثيل
مافيش حد يهمه
ببقرص اخواته 
الكبار والصغار 
واللي في سنه
تعبان غدار 
يستحق حبسه
ومين يحبسه 
اذا كان الكل خايف منه
تعبان عنيه زي الصقر
يجيبك لوانت تحت الارض
مايعرفش يتفاهم
مايعرفش الخير م الشر
دوس علي دماغه
اول باول
قبل ما يطبع عليك
ويخليك تتحول
وتبقي مصيه بعد الشر
تعبان يساوي مليون تعبان
في عز البرد متربص
في عز الحر متربص
بخبث يصطاد فريسته
بغل تلاقيه في غليان
كاره نفسه
وديه كارثه
ودايما جعان
عدم وجوده راحة
تخلي الناس مرتاحة
ومنين تيجي الراحة
ربك قادر يزيله ويذله
*****************************
كلمات بسيوني صديق