*** مفيش مستحيل
------------------
يا بدر بيقصر الليل الطـويل
بتسحر الليل بحسنك ياجميل
ترسم بنورك في السما غنوه
تأسر عيـونا والقلوب بتميـل
أسمك شهـد ما بين الشفـايف
يسكرنا خـدك بنسيمه العليل
بحرعيونك غـرقنا في حُسنه
وتسـبيلـة الجفـن لـقلبي دليـل
من لمسة اليـد تبـرأ جـروحه
ونبض قلبي في حُبـك قـتيـل
لـو قـلت بَـحبـك والله شـويَّـه
لو قلت اعشقك برضه قـليـل
حياتي معاك دي حاجه تانيه
مفيـش فـوقها ولا ليها بـديـل
لواحة السهـد واخـدنا الحنين
الدمع نهرعلي الخـد الأسيـل
بكرا جَيّ ولو طـال انتظـاره
نهاره يطلع مهما طـال الليل
من بزرة الحلـم بيطلع نهـار
شمس صباحك ما ليها مثيل
حلمت بيك ورده في حضني
شلال من الحُسن عليّه يسيل
حلمـت بيـك نـور لطـريـقـي
ووعد بعيونك بعـدم الرحيل
يقيني بحبـك يجعلني بقـربك
وفي الحب مفيـش مستحيـل
------[مبروك البنا]------
ليست هناك تعليقات:
إرسال تعليق