قدرى يا قدرى
بقولك ايه نبدا صح
عشان تعرفنى
من برى كلامى فيه اقسوه
ولكن من جواه امان
والامان عندى انا زى الجنه تمام بدون حرمان
هنكون سوى مهما شفنا من السنين
وهنصبر مهما قابلنا من لائمين
احنا اتنين كف القدر جمعنا
هنوعد بعض ما يفرقنا
كل شى قسمه ونصيب
تبقى جمبى او تغيب
كف القدر هنمشى عليه
وهنكمل واحنا ماسكين باديه
اسلوبى دا صعب شويه ولكن مليان حنيه
انا مبكدبش على حد قلبى اختاره
اكدب على نفسى ولا عليه
انت شايفنى ايه بنت رقيقه
تيجى بكلمه ولا بسمه ولا همسه
لا اقولك انا مين انا حد تانى ماتعرفوش
وماقبلتهوش ومشفتهوش
مش هخونك ولو بكلمه تفهمنى
صح اكون لك صح
تفهمنى غلط هكون لك غلط
انا بنت رقيقه زى النسمه
فى حاله واحده لما القيك طيب
ضميرك ابيض وقلبك مليان حنان
ودا انا اللى هشوفه مش انت اللى
هتقولى عليه مر على قلوب وقلوب
واحد بورده والتانى بكلمه
شفت كتير وقابلت كتير
ومحدش لسه بقى نقطه فى قلبى
عنيه ما ظلمت مره ولا خدعت
هتكون صادقه بس ياريت تطلع قدها
هتقولى صح هقولك امرك
بس امرك مش بكلمه بتصرفاتى
وصونى لحبك هتشوف الكلمه
ولا هتشوف خوف فى عنيه في يوم منك
لانى حالفه انى هاصونك ولاهمسك حتى بكلمه
لا استنى شويه هتشوف خوف عليك مش منك
حط الخط تحت الكلمه
اوعى فى يوم تجى عليه علشان هيكون حقى انا فى عنيك
لانى فعلا مخلصه ليك
وبكدة ابقى قلتلك على كل اللى فى قلبى ليك
دى مقولة يجد لاى اتنين
يبتدوها صح عشان يعيشو مرتاحين
تاليف* دينا محمد الصادق
2/6/2018
ليست هناك تعليقات:
إرسال تعليق