واليكم القصيدة
يا بيي انت من التعب اكبر
وبالعزم تعلى وعا النجم تكبر
ومهما الزمان يجن يأسى عليك
ما بتنحني للريح لو زمهر
بتحمل دني عا قلبك وأيديك
تا فيك خصر العز يتزنر
لما تشق الارض برجليك
وما تطرح ما تمشي ينبت العنبر
والورد لولا مسكبة خديك
لا تزين ولا بان ها المظهر
والشمس كا ما تجوع تلجأ ليك
تشوي على جبينك خبز أسمر
وتتنقل وترقص على كتفيك
وتدوخ فيك وتسكر وتخمر
ولو ما نشوف الصح بيعينيك
الاحمر لكنا بنقشعو اصفر
ربينا وعشنا من جنى كفييك
وتتعب وتشقى وتقلق وتسهر
والله يا ها البيي لولا هيك
كان متنا من العطش والجوع
وما في ولا بيت بدونك تعمر
ليست هناك تعليقات:
إرسال تعليق