انا و ،، انت ،، ياهوي
من صغرنا سوا
طايرين في الهوا
نشوف ونسمع كتييييير،،،كلام في الهوا
اللي يسهر يقول
..... بحبك
ماقدرش استغني عنك
هاعيش عمري معاكي ،،واموت انا قبل منك
يعدي الليل اوام ،،ووعوده تطلع كلام
وبنظره وابتسام يحب بسرعه غيرها
ويقول هي اللي باعت،،،،نسيتني وغابت
ماهو زي كلام الليل مدهون زبده وساحت
،،،،
ولسه ياهوى ياما فيه عجايب
الصدق مرة حاضر
لكن في عشرة غايب
ده ،،،، حال اهل الغرام
في عالم الاوهام
لا عتاب ولاملام
كله بيقول كلام
وحقيقته العكس تمام
،،،،،
هي تقوله إنت روحي
وجودك باسم جروحي
سهرانه أفكر فيك
ياهنايا وعمري وبوحي
ونفس الكلام تقوله
لغيره ،،، وغيره ،،،، وغيره
تتكرر الحكايه
وتعيد نفس الروايه
وتوته توته تخلص
بتنهيده ودمعه ،،،
تترسم النهايه
،،،
ونطير أنا و إنت تاني
ياهوي ونشوف أسامي
نتفرج عليهم
ونقول يارب سلم ،،،
ده عالم غريب
تاهت فيه المعاني
همسات قلم نور الهدايه
ليست هناك تعليقات:
إرسال تعليق