بقلم الكاتب" تامر مأمور"

((( دنيا عجايب )))
بقلم/ تامر المأمور
دنيا عجايب
الشاب فيها صار شايب
والحق فيها علي طول غايب
شاطر واسمه في الميدان ماهر
كتب علي الحيط
لسه الميزان جاهل
العدل فين يابلد
ماعد فيه فرق بين عالم وجاهل
دنيا غريبه بقي للخداع مليون طريقة
دنيا في نشرة
اولها كذبه واخرها فشرة
ولسها دنيا عجايب
سافر وقال راح جيب المال
عشان اعيش وربي العيال
اشتغل وتذل وشاف الموت
صاحبني رجع بدون مال
متشال في تبوت
دنيا عجايب
فيها الضعيف ملوش نايب
وده ذاكر وتعلم
وحب يكون حامي الاوطان
قالوله روح ملكش مكان هنا ياغلبان
هنا يتدفع ييكون وسطتك
اللواء فلان
روح يعيط في حضن امه
ويقول يأمي اعذوريني
حلمك محققتوش
قالتله متزعلش يأبني
غير رزقك لن تحوش
وده واقف في طابور العيش
بيصرخ ويقول بجنيه عيش
ولم وصل قاله مفيش
مع السلامه خالص العيش
وست واقفه علي باب جامع بتقول ياخلق ابني
محتاج كيس دم
ومفيش فلوس
اعذروني انا أم
وقهاوي مليانه شباب عطلانه
واتوبيس وماشي ومابيقفش لحد
يعمل ايه مفيش فيه مكان لحد
وتلاميذ مخنوقه
في اوضه مزنوقه
واستاذ مجاميع
بيقول مين يشتري
انا لضميري ببيع
وبنت راحه الكليه
بتقول ياتري مين هيبص
عليا
دكتور والأ معيد
والأ طالب ابوه يكون عنده مصنع حديد
دنيا عجايب
وشاب واقف في الصاغه
بيقول الدهب بكام النهاردة يا صاغه
نفسي اشتري دبله
بس الدهب بيغلي
و رز مغيش
و زيت متقوليش
و سكر بقي اغلي
من الحشيش
ولحمه معلش الدنيا زحمه وعن سعرها متسألنيش
دنيا عجايب
الشاب فيه بقي شايب
يا دنيا العدل فين فين
نروح لمين ونشكي لمين
سكاكين بتقطع في بني ادمين..... ( دنيا عجايب )
 بقلم/تامر المأمور