بقلم الكاتب"عصام الباز"

( قصة وفاء )

هي :
لأنك أبو ولادي
وف رحلتي زادي
عمري ما هأنساها
أيامنا محلاها
هأحبك كما الأول
مهما الزمن طول
ليالينا وردية
هي كما هي
قضينا رحلتنا
ملازمانا سعادتنا
الخلق حسدونا
بالمراهقة وصفونا
سيبك يا شيخ منهم
اختارتك أنا منهم
يقولوا ما يقولوا
مشاعرنا هيطولوا
إن مت أنا قبلك
في قبري أنسبلك
إن مت يا شيخ قبلي
 هتكون سبب هبلي

هو :
طيب إسمعي مني
يا نايمة في النني
إنتي دهب وألماس
إنتي بكل الناس
يا خراشي ع البصة
وللا على القصة
خطفتيني من طولي
أسنانك كما اللولي
الكل حاسديني
حتى إل والديني
لو رجع الزمن بيا
هاختارك أنا ليا
قوليلي من زيك
مبهور أنا بضيك
مفتون أنا بحسنك
آه يا جمال غصنك
مهما كبر سنك
لسة بأغار منك
قلبي فرح بيكي
فاكر أغانيكي
يا ساكنة في قلبي
وياكي بديت دربي
سقتني العسل يدك
يا جماله حمار خدك
قصتنا بديناها
 المولى يرعاها

عصام الباز