صارت حكاية
أول الحكاي ماتوا الأهل وبدها رعاي (ة)
ربيت عند ناس حضنوها بحب وعناي (ة)
وتصرخ يابيِّ انا من الشغل تعباني
وتركض لإمها تقول عصافير جوعاني
عايشي معكم وأنا من الموت فزعاني
بشوف بنات كثار مع الأهل فرحاني
عاشت وشربت العذاب بكاسات ملياني
لعندها بليلة كيف وصلت ونجوم سكراني
سألتها عن حالها قالت بقلبي نار شعلاني
إنت جاي لهون لبحر الظلم إل فيه غرقاني
إمشي معي كيف وليش والإجرين حفياني
صرلي مش شايفك سنتين واليوم كبراني
يا حلوة العينين يا أكثر من الورد حليّاني
تنكحل العينين ونلّبس الإدين ذهب تلياني
وعالورق نكتب كلمتين تنعيش ببيت ثاني
وربي يطعمك صبي وبنتين وإنت فرحاني
وتخبّربي الصبي والبنتين وين صارت الحكاي (ة)
سمير شيّأ
