وقلتلى امتى حترجعلى
غيابك طول واديك مش سامعنى
سألتك بدل المره مليون مره
وقلتلك الحياه وانت غايب مره
انا وعيالك عايشين أيتام
وسط الناس بس أغراب
وانت كل مسألك تقول ايام
امتى ترجع ولا نسيت الأحباب
ابنك الصغير بيحضن صورتك
والكبير حاسس بغربتك
وبنتك دمعها بينزل لما تيجى سيرتك
وانا بعد الايام مستنيه رجعتك
مفيش كلام يوصف بعدك عننا
دا حسك معانا كان بيلمنا
طب بص اقولك
انا مش حكرر السؤال تانى
انا مش خايفه تنسانى
بس خايفه تنسى حنانى
وتدوب فى غربه ماليها اول ولا تانى
طب اقولك
انا من غيرك تايهه ومكسوره
والله ولما بحنلك معذوره
طب حد يقدر يعيش من غير هوا
ولا ينسى العلاج والدوا
بص يا ابو عيالى
انت عارف انا وهما من غيرك منسواش
والعيد لما يعدى وانت بعيد كأنه مجاش
طب اسمعها منى ومستغربهاش
انا عايشه الدنيا ومعيشاش
ارجع خلاص انا مقدراش
ليست هناك تعليقات:
إرسال تعليق