بقلم الشاعر" ياسين مصطفى بكري"

...زجل.....زجل.....زجل.....

مشيت كثير بسهول وبَوادي
ولفرسان الزجل عَمَ بنادي
إلي حابب وبَدُ يباريني
بَحُطه جوى بعيوني وفؤادي
............
شُعار كثير نزلوا تيباروني
وَعَقلي طَيَروا وخلقي وجنوني
ولما شُفت فُرسان الحَضارة
بُهربوا الكل من نظرة عيوني
............
يا شُعار الزجل بَدي تلاقوني
وَسَيفي صار يحكي مع ظنوني
كُل واحد الى الساحة بعدي
بَحُطه داخل جفوني وعيوني
............
يا شُعار ما بدي تلُموني
ركبت أبجر كثار بيحسدوني
رفعت السيف في وجه الاعادي
صاروا يهربوا وما يواجهوني
............
الارض نادَت عليِ وإسمعوني
والصبر والتين وفَيات الزتوني
نحنا راجعين لارض جدي
وَلَو بالسيف صاروا يقطعوني
............
تحياتي.....ياسين مصطفى بكري...