بقلم الشاعر" مبروك البنا"

*** مش ممانع
--------------
ياللي سـايق في الدلال ليه تقلّـب في المـواجـع
قلبي مرهـون لحبـك ولـجـمـــالك قلبي طــامع
هاجت الذكـري بقلبي والسهـاد في اللحظ دامع
لما تُغـرب شمسي مني كنت انت بـدري طـالع
الغرام والشوق كواني والحنـان في القلب والع
لاالمنام راضي يهاودني ولا بات الجفـن هاجع
ليه بتـدلل عليه يا خفيف الظـل ياحلـو الطبـايع
ياللي قُـربك زانه وردك والجبين نـوره سـاطع
قلبي حبـك وانت لسه في الهـوي مُـدلل ومـايع
اشتـريت بالغـالي حُـبـك حبـك انت وانت بـايع
كل يوم تغـزل في حجه واللا عـندك لسه مانع
حُـبي ليك نهـر الموده وانت حبك وهـم ضـايع
وافتـديت حبـك بعمـري وانت شايف آه وسامع
عشقي ليك يخصك انت مش كلام للكـل شـايع
لو هـويت تحب غـيـري بالسـلامه مش ممـانع
البـديل عن حبك انت يبقي مـوتي وربي شـافع
انت داء القلب وانت لـقلبي دواه شـافي ونــافع
لما عيني تلمـح جمالك تهمي بالشـوق المـدامع
أعمل ايه حُسنك أسرني والريحان عالخد يانع
قلبي مش هيحب غيرك لو يعيش العمر جـايع
---------------[مبروك البنا]---------------