تحاولي تداري شوق ماليك
ممكن
وتوهميني باني عادي
شخص عادي
حرف عادي
يمكن
بس استحاله مهما داريت
نظرة عيونك اللي شايفها
اللي حاسسها
بتقول بحبك
واكتركمان
اصل الخلاصه انا عايشه بيك
مخلوقه ليك
نفسي تقوليلي تعالي
لولا كسوفي
نفسي تقدر في يوم ظروفي
ورغم خوفي
والله خايفه اجري عليك
عارفه ان عيني
فاضحني ديما
نفسي يانفسي
المس ايديك
عارف في بعدك
بحس ان حياتي
مش هي الحياه
بحس بتوهه وخداني
الف دمعه والف اه
هتصدق لو قلتلك
في غيابك غصب عني
تهت مني
واتسرق اطهر مافيا
غباء والله غباء
لما اصدق انك
اي شخص عادي
وان كل حرف منك كتبته
حرف عادي
اقولك كله عادي
بس العجيب
احساسي بيك غريب
لا هو عشق
ولاغرام
ولا نظره هيام
وهو ده ياقدري
الاحساس اللي مش عادي
ممكن سؤال
مع اني عارفه الاجابه
هو ليه كل ماابعدك
الاقيني غصب عني
ليك بقرب
وكل ماالاقيك حزين
شمسي تغرب
هو ايه
حب يمكن
عشق يمكن
بس اللي مش ممكن
اني مش قادره استغني عنك
واحساسي كله
لما بتتوجع بتوجع
في الاصل انا حته منك
جاوب ياشاعر
ازاي اداري دموعي
وانا كلي مشاعر
ازاي اخبي غرامي
وشوقي وهيامي
وانت الوحيد اللي علمني
بالدموع
ازاي تتكتب احلي مشاعر
احمد عبدالحق
ليست هناك تعليقات:
إرسال تعليق