طير وتايه ف السما
شارد عن اصحابه
لا حد سائل عنه
ولا حسوا بغيابه
ساب السرب وطار
ما هو كله ف رحابه
لا هو رايح فين
ولا دارى مين جابه
طاير بقاله زمن
ليله ما بين الصخور
مافى شئ صابه
وويا شقشقة الشروق
رزقه بيناديه
وهو يلبي طلبه
سابح فى ملكوت الله
لاصقر يتتبعه
ولا ديب أكله بأنيابه
مع أنه ساب السرب
م هو كله ف رحابه
سبحان مالك الملك
كاتب للكل رزقه
واللي مكتوب له رزق
سهمه أكيد صابه
الرزق مش فتونه
لشاب ف شبابه
دا حكمه من ربنا
بيدارى عن عنينا
الحَب ف ترابه
دى رزق طير ف السما
ماهو كله ف رحابه
( أسامه جديانه)
ليست هناك تعليقات:
إرسال تعليق